الأربعاء، 12 سبتمبر، 2012

خاذل ظنوني

يا خاذل ظنوني , مو حرام !
أتوجك على عرش قلبي ملك ..
ما تصونه , ما تداريه و تخونه ..
و تنسفه , تتعبه تأذيه حتى ( هلك )
يا هالكٍ قلبي حرام ..
ما طلبتك غير حب و شويّة اهتمام

مقاطع 2

تحت وطأة الظروف : تغدو الوعود سراباً

-----

خيانات الأصدقاء أشد وقعاً من خيانات العشاق !
خاذلة حد الوجع .. لا بل حد الموت ..

------

ما كنت متطلبة بحبك :
بقايا لقاءات , و عتابات المكالمات .. كانت ترضيني .

مقاطع

و صار الظرف شماعة البعد ..

-------

نبكي على عمراً ضاع لأجلهم .. لا على رحيلهم ..

------

قد أُجبر على الابتسامه في وجه من أرغب البصق في وجهه
فقط لتمضي الحياه ..

------

يعني عادي !
نقتل الأشواق فينا بقلب هادي ..

-------

يا حيف !
ما انجبرنا نفترق ..
افترقنا على الكيف ..

-------

أقدّر الأصدقاء الأوفياء , أقدّر احتوائهم لي
في السرّاء والضرّاء ..

-------

أصعب ما في النهايات بداياتها ..


الأحد، 5 أغسطس، 2012

يا تاركه قلبك معاه

يا تاركه قلبك معاه
لا تتبعين القلب ..لا تآمنين ..
باكر يبيعك و ينسى هواه
و انتي اللي ماتنامين .. وبتتعبين ..

يا مخلف الوعد

يا مخلف الوعد ..
خاف فيني ربّي و ربك ..
يا واعدني بكرا ترد ..
مرّت سنه وانت ناسي من حَبّك

لا يشح طيفك

لا يشح طيفك عليّ بالوصال ..
فـ هذا اللي بقى لي بعد ما رحت ..
وهذا اللي يداوي وجع هالقلب والبال ..
وهذا اللي مقوّيني بعد ما بعت

أكتب لك

لم أكن أكتب إلا لك ..
أو .. لم أعرف الكتابة قبلك ..
و لن أعرف الكتابة حين أنساك ..
لذا لن أتجاوز حبك و إن كان من طرف واحد ..

ليتني





ليتني قبل البعاد قلت لك روح ..
ما عدت الحبيب اللي سكنّي ..
أقلّها أدري إنّك بعيد ومجروح ..
وتحسب إنّك ما تهمنّي ..

وش يفيد


وش يفيد !
تخلص لشخص .. وهو لاهي
هناك بعيد ..

الجمعة، 20 يوليو، 2012

يا أوّل أيام الشهر الفضيل

-

يا أوّل أيام الشهر الفضيل ..
قدومك خير لولا ذيك التفاصيل ..

( بدون فرحته لا دخلنا عليه ..
تأخرتوا كذا ليه !

دقّي على أخوكِ ليه تأخر ..
خليه يجي عشان يفطر ..

خلاص ! خلصتي أكل ..
كُلي ولا واللهي أزعل .. )

يا أوّل أيام الشهر الفضيل ..
وين ألاقي لصوت جدّي بديل ..!

الأربعاء، 20 يونيو، 2012

بمقدوري التضحية

-

بمقدوري التضحية بكامل ما لدي من صلاحيات السعادة والعمر المديد ..
فقط ان وجدت فيك مايستحق التضحية ..

تجاهل

تجاهل ..
فقط تجاهل من يحاول استفزازك
وقابل تفاهته بتقنية اللا اكتراث ..
فالفائدة هنا مردودها عليك :
اختصرت على نفسك حق الرد
ويكون هو قد تلقى الصفعة التي تليق بحجمه


تافه

حينما تكون انسان بلا هدف
تغدو جميع اهتمامتك تافهة
فتكون تافهاً تماماً كاهتماماتك

الأربعاء، 13 يونيو، 2012

ذايب

مجنونك هنا ذايب ..
كان متعشم ..
و اصبح الظن خايب ..

منتي على خبري

-

منتي على خُبْري ..
أو بالأصح يا بنيّه ..
كنت أشوفك وفيّه ..
و أثر الخيانة فيك تسري ..

تدارينه

تدارينه .. تحبينه ..
يقتلك زيره .. وتكتمين جواك غيرة ..
يسألونه تبيها .. يرد لا ألعب عليها ..
هي خويّه .. أمّا أبيها لا قويّه ..
و هذي النهايّة .. تنتهي كل الحكايّة
إلا إنتي .. بتبقين :
تدارينه .. تحبينه
وليالي بـ تبكينه

الخميس، 7 يونيو، 2012

تظن أقدر

تظن أقدر ؟
على بعادك أنا بصبر ؟
و أنا من يوم ما قالوا :
حبيبك راح مع غيرك ..
و أنا أدعي: عسى يـ الله 
تقويني / وعلى الفرقا أكون 
أقدر ..

الأربعاء، 6 يونيو، 2012

هنيئاً لي بذكرياتك

أحبك ..
رغم انتهاء صلاحية حبك لي ..
رغم انشغالك بغيري ..
رغم الأسى الذي خلفته لي ..

سأشتاق ..
ليديك التي لم امسسها إلا مرتين ..
ولحضنك الذي لم انغمس فيه إلا مرة ..
و هذياني بصوتك في تلك السنين ..

هنيئاً لها بك ..
وهنيئاً لي بذكرياتك ..

عشان العشرة

عشان العشرة ..
لا تشاركها بـ فيروزنا والقهوة


الأحد، 13 مايو، 2012

بلادي

-
لا وجود للحب في بلادي ..
هنا: تعلق , و هروب , وشهوة تحت قناع الحب ..

في بلادي :
نبدع في تطبيق نظرية ( اتمسكن حتى أتمكن )
نمثل الاهتمام , والعشق حتى نصل لمبتغانا ..
ثم نرحل عن بعضنا البعض ..

في بلادي :
انتي تحبين إذن انتي قذرة ..
فارقك حبيبك إذن هذه عقوبة من الله
لأن ( ما بني على باطل فهو باطل )
عاد إليك إذن هو ( ناوي على نية )
تزوجك إذن زواجكما لن يدوم لأن أساسه خاطيء

أبناء بلادي :
باستطاعتهم معرفة مالم يحدث بعد لك ..
دون اللجوء للجن , أو قراءة الفنجان ..
فقط بما وهبهم الله من ذكاء وفطنة في اختراع النظريات ..
( الله يحفظكم بس ) :)

الاثنين، 7 مايو، 2012

لقانا

أتذكر لقانا ..
كنت أشوف الشوق بعيونك كبير ..
وكنت أنا أكابر عن غرامك كثير ..
كيف كانت لهفتك : ( ما وحشتك )
وكيف كان الغرور : ( ولا حتى ذكرتك )

ما دريت إنه آخر لقا ..
لو دريت صدقني ما كابرت..
وذيك المشاعر الخافية بصدري ..
بكل بساطة بها جاهرت ..

ولكن حسافة .. وش يفيد الندم ..
دامك افترقنا ..
والغرور اللي بداخلي ماترك لي إلا العدم ..

الوداع


الوداع ..
يا أكثر من فقدته ..
صنته , هويته , وعشقته
وهو للهوا بياع ..
تركني بعده لوحدي ..
قال : عيشي حياتك بعدي ..

وهي الحياه بعده حياه ؟
وشهو وضعي وأنا مو معاه ؟

ضياع ..
هذا وضعي في بعاده ضياع ..
حب حفظته بقلبي عنهم
وبلحظة تهوّر ضيّعني وضاع

الخميس، 5 أبريل، 2012

جدّي

-

هم يذكرونك !
وبقبرك يزورونك !
ولا السنين اشغلتهم ..
ولا عادوا يمرّونك !!
.....

يا رب نوّر قبر جدّي ..
واجمعني به بجنّة الخلد 
سنين بدونه تعدّي ..
ولا انمحى من بالي أبد
.........

12 سنة على وفاتك .. وما نسيت .. الله يرحمك ..

الأربعاء، 29 فبراير، 2012

صُوَر

صُوَر ..
و ذكرى بداخلها تستقر ..
وحب راحل باقي ما اندثر ..

ولولاها تصوّر ..
أجيك وارمي وعودي بحر ..
و اتجاهل واقع انك منت لي قدر ..

صُوَر ..
أتأمل ملامحك فيها للفجر ..
أجازي بها روحٍ تعبت صبر ..

الجمعة، 10 فبراير، 2012

ما نضجت

-


بي طيش ليومكم ما نضجت ..!

هذي كذبتي لا اخطبوني لغيرك انت ..


-

يناير .. لين

محظوظ هالشهر مولدك فيه ..
كل الشهور الباقية يحسدونه ..
يناير ما يحلّيك انتي تحلّيه ..
شوفي احبابك كل سنة يحترونه ..
عشان نهنّي يناير جيتك فيه ..
وتموت باقي شهور السنة مغبونة ..

( كان المفروض احطها من 8 يناير هنا بس العجز ..وكل  عام ولين ليني ) ..

ودّها

ودّها ..
تمشي لدياره حفا ..
تحكي عن حبٍ خفا ..
تشرح له شعور الوله
وقلبٍ ما ينبض إلا له


ودّها ..
تضربه تعبيراً عن عتب ..
ثم تضمه و تبكي للتعب ..
تصرخ بأعلى صوت " أحبك "
" ما عرفت الهنا إلا بقربك "


ودّها ..
لكن افهم يا رجل ..
حبيبتك يمنعها الخجل ..

الأربعاء، 1 فبراير، 2012

صباحي غرورهـ

-

صباحي غرورهـ ..
لا قلت له " أحبك "
وهو أخفى شعورهـ ..

الثلاثاء، 31 يناير، 2012

..

انتي هادية .. ليه ما تسولفين .. مو طبيعي الوضع !!
أحس إني الوحيدة الهادية بهالعالم ..!
أحس أن الهدوء طبع شين من كثر ما ينقدون عليه !!
ما اشوف أحد ينقد عاللي ما تسكت
ولا اللي ما عندها الا التطنز وتقطيع بخلق الله !!
يعني هذا الشي اللي مو طبيعي مو الهدوء ..
ودي أي أحد يقولي إنتي هادية ليه ما تتكلمين
أقول له كل تبن -_-

هم نسوا

هم نسوا
باعونا برخص التراب ..
و قسوا ..
ليه يحزننا فراقهم !
ليه نستفقد عناقهم !
دام تركونا بلا سبب ..
لا حسافة عليهم ولا عتب ..

حبنا أناني

نكذب على انفسنا !
نقول بنبعد وكلّن يترك الثاني ..
ولا ذبحنا الشوق من سبّة تباعدنا
نرجع و يبان بوجيهنا وش قد كنّا نعاني ..
لا قربي منك ولا بعدك مريّحنا !
حسبي على الحب كان معنا أناني ..

ماهي رجولة

ماهي رجولة !
تخفي الشوق عنّي ..
تعتبرني إنسانة مجهولة
ما كنّك اللي أحبه ولا كنّي !
ذيك اللي غلاها صعبٍ تقوله ..

الاثنين، 30 يناير، 2012

بالرياض

المكان : الرياض / غرناطة مول / ستار بكس
كنا ثلاث أنا وشخص بجوّنا والشخص الثالث مراقب بصمت ..!

طلبت إن ينكتب لي على كلينكس ستار بكس اي شي للذكرى .
لكن طلبي رُفض .. وبعد أخذ و عطا اتفقنا على
( إنتي اكتبي اللي بقوله أنا خطي معاق )

بعد كذا انعضّت يدي ليه !! لأني أزعجت سمّوهم الكريم بطقطقتي عالطاولة
- علّمت العضة ولا ودي يروح الأثر ههههه
- كنت خاشّة الأثر طول الوقت  ما ابي احد يشوفه
ونسيت نفسي وقت العشا .. مديت يدي باخذ ورق عنب وبيّن سألتني وحدة منهم
( أمون ايش هذا اللي بيدك ؟)
من الربكة قلت مدري هههههههههههه

اعتبر هاليوم من أحلى أيام حياتي <3

لعبة صراحة

 لعبة صراحة وانسألت ..!
منهو أكثر شخص ما تستغنين عنه أبد ؟
لا شعوري طرالي إنت ..

جاوبتها من بعد جزرٍ و مد ..
صديقتي و أمي ( وبداخلي أقول بس إنت )
صعب استغني عنك مهما بعدت ..
كانت لعبة صراحة .. و انا بجوابي كذبت

الأربعاء، 25 يناير، 2012

أنا برياضك

أنا بديارك ..
رياضك اللي خذتك منّي ..
فرحتي كبر السما لأني أتنفس هواك ..
أنا بديارك ..
و أدري ما دريت عنّي ..
بدونك أنا بالرياض و اتخيلني معاك ..

الاثنين، 23 يناير، 2012

ماااا أصددق أمس يعني بنزل الرياض للمرة الثالثة
يعني ما راح احتاج علب 
مو مستوعبة لليوم 

السبت، 21 يناير، 2012

أبيه


أبيه ..
و أكذب إن مالي رغبة فيه ..
بينهم أدعي عليه ..
وبداخلي أسمّي عليه ..
أبيه ..
و اسأل نفسي ليه ..!
وش اللي علقني فيه ..
أناقضني .. أبيه ..
ولا أبي أرجع إليه ..

الرياض

اي شوق يحملني لتلك الديار ..
فأنا لم أزرها إلا مرتين في حياتي ..
و لم تكن لي ذكريات مع هذه المدينة
و لكني عشقتها لأنك فيها ..!
بل أكاد أُجن بها بسببك ..
لدرجة طلبي الغريب منهن ..




^
من جدّي ما أستهبل :)