الجمعة، 28 مايو، 2010

تعب..

متعبة..
لا أشعر بجسدي..
لا أستطيع الحراك..
فقط أفكر بك.. ثم أنام لأحلم بك..
بدلت مكان نومي.. لعلها أحلامي تتبدل..
ولكن لاجدوى من هذا التبديل..
سوى آلام بالظهر..وصداع شديد..
مسكينة هي أمي..
تأتي بين الحين والآخر وتقيس حرارتي..
ترغمني على شرب الدواء..
وتمنعني من شرب أي شيء بارد..
تعتقد أنها ستمنع تسرب المرض إلى جسدي..
رغم هذا مازلت متعبة..
لم يستطيب مني شيء..

تعزيني..!

تعزيني..
ولا ودك تتركيني
وتنهين أيامنا وتنهيني..
أي معزة..
وأي مودة..
وانتي من أسبوع وأكثر
ولا فكرتي تسألين
وانا استناك واصبر..
علميني وش مني بدر..
وش اللي خلاك تجفين..
صدقيني بتصرفاتك تتعبيني..
صدقيني انتي عايشة فيني..
وقدرك غير فلا تشغليني..
طلبتك لاتبعدين وتخليني..
اعرفك تحبيني..
ولافكرتي تنسيني..
واذا قلتي كرهتك انا
رجعتي وقلتي لاتصدقيني..
ارجعي لي وزعليني..
وتعالي بعدها راضيني..
بس عنك لاتبعديني..

كذبة

مرتاحه بدونك والله يتمم علي..
أبد ماعشت في هم..
أبد ماصار لي شي..
تصدق ولا اشتقت لك..
وقلبي مو محترق لشوفك..
ولا في يوم اتخيلك..
وابد مازارتني طيوفك..
ولا ودي ترجعلي ..
وابكي لك وتسمعلي..
بديت أعوفك تصدق ..
وحلمي بنسيانك تحقق..
( وياكذبتي اللي ماتتصدق )
( وياكذبتي اللي ماتتصدق )
( وياكذبتي اللي ماتتصدق )

حقيقة..

أحبك..
حقيقة لايمكنني نكرانها..
ولكنني أكره غيابك..
وأكره نكرانك لـ جميلي..
أين ذهبت وعودك لي..!
أتذكر عندما وعدتني بأن تنسيني كلمة فراق..
و أن لاتجعلني أشعر بـ اشتياقي لك..
لأنك ستكون حولي دائما ..
لكنك فعلت العكس تماما ...
اصبحت شاحبه بدونك..
حزينة على نفسي جدا..
وحزينة على سنيني التي قضيتها معك..
خذلت قلبي وأحلامي و (عشمي فيك )
ولكن لازلت أحبك..!
بل لازلت أعشقك.. وأشتاق إليك..
وأكره غيابك الغير مبرر ..

يالرياض

علميه يالرياض إني أبيه..
واسأليه هو يذكر الحب ولا تناساه..
حننيه يالرياض ولي جيبيه..
ذكريه بشوقي ذكريه بعشقي له..
فهميه يالرياض ان محدٍ يساويه..
خبريه عن حالي بلياه..
مانسيته لا حشى ولا بنساه طمنيه..
كيف بنسى وانا بكل مكان القاه..
بلغيه يالرياض اني احبه واموت فيه..
ولا قدرت اجفى وعايشه على ذكراه
اشتقت انتظر منه رساله تطمني عليه..
استقت لايامنا واحلامنا أنا وياه..
اسأليه يالرياض هو مبعدن لييه..
يحسب اني بهالبعد بنساه..
يعلم الله ماقدرت اني اخليه..
ويعلم الله اني اعشقه واهواه..
يالريااض والله العظيم أغليه..
يالرياض والله العظيم أبغاه..

تعودنا

على طاري الحنين وأغاني راشد القديمة..
( تعودنا ) تذكرني بغيابك وصداتك الأليمة..
تذكرني بذاك الشعور اللي عطيتك ولا أبديت له قيمة..
تذكرني بذاك البعد والهجران بذيك القسوة والحرمان..
بغيابك عني والتناسي بعنادي وقلبي من بعدك بمآسي..
بأول يوم في حبك وآخر لحظة في بعدك..
لحظة ألم ودموع وحرقة قلبي الموجوع..
بـ طلبتك ادعيلي أعيش بخير.. وربي يوفقك يانصيب الغير..
تذكرني بشوقي القاتل لوصلك وعزتي تأبى علي ذلك..
براحة قلبي من قبلك ومن بعدك غدى هالك..
حبيبي على هالبعد انا وانت تعودنا..
على عنادنا والنسيان تأقلمنا..
ولا به شي يفوقنا يرجعنا انا وانت كما كنا..
حبيبي انا وانت على كلمة أبيك وتراني ميتٍ فيك تكابرنا..
وللعشرة وأجمل مشاعرنا تنكرنا..
ولا به احد خسران يصيح الليل يدعي يارحمن كثرنا..
(حبيبي وين ماضينا) وين ايامنا الحلوة وليالينا..
وين أجمل سنين العمر وغرامٍ باقيٍ فينا..
تعبت أكذب على قلبي وأقول له بنسى..
وأقوى على بعدك وهجرانك وأكون أقسى..
وعلى طاري ذاك الجفا وانك سهل تنسى..
طلبتك ( علمتني شلون أحب علمني كيف انسى )

على ذكراك أنا باقي ..

رحلت .. عندما بدأت أكبر ..
عندما تعلقت بك كثيرا.. رحلت عني بعيدا..
افتقدتك كثيرا .. افتقدت ضحكتك..

وعيت عليك وانت مريض .. عاجز عن الحراك..
كنت أحبك كثيرا..
كنت أغضب كثيرا عندما يمنعك عمي أو جدتي عن أكل السكريات..
فأخبأ الحلوى والكورن فليكس عندي حتى يحين الليل وأعطيك إياه لتأكله..
لم أكن أعلم أنه مضر بصحتك..
كنت متعلقة بك حد الجنون.. أحبك أكثر من أبي..

تحكي لي جدتي أني في صغري كنت دائما عندكم..
كنت أعشق باصك أكثر من سيارة أبي الفارهه..
تستغرب جدتي لأني لم أعد أحب المبيت في بيتكم..
معقول..! ألم تستوعب بعد أنه من بعد رحيلك لم يعد للبيت روح..!
رحلت عني وأنا في التاسعة من عمري..
كان خبر رحيلك مؤلم على الجميع..
أتذكر عندما وصلنا البيت كان أبناء عمتي في (الحوش)
ينتظروننا ليحكوا لنا سبب رحيلك..
بدأوا بأساطيرهم التي لاتنتهي :
( عمو خذ جدو وطيحه بحفرة وجا الرجال بيطلعه إلا مات )
( عمو كان مسرع بالسيارة وجدو يقوله خفف وكان عمو مسرع
بيوديه المستشفى الا آخر شي جدو خلاص بيموت قال لعمو مابسامحك لانك مسرع )
< حاقدين عالعمو p: صدقنا الخبر وتوعدنا بعمي.. وأن لا أحد منا (يعطي عمي وجه)
إلى أن علمتني أمي بأن الله توفاك ولم يكن لعمي أي سبب سوى أنه أوصلك المستشفى وتوفيت بالطريق..
لم أحس بفقدك إلا بعد مضي سنه تقريبا على رحيلك.. كرهت البيت بدونك..
كنت أختنق كثيرا وأنا معهم.. لا أحد منهم يحمل صفاتك..
لا أرى بأحد منهم طيبة قلبك.. حنانك.. عفويتك.. صدقك.. رحمتك.. الخ
لم يبق شيء يذكرني بك سوى كرسيك وسريرك.. ورموه..!
أتصدق ذلك.. أكانوا حمل ثقيل عليهم..! أم أنهم أخذوا حيزا كبيرا من البيت ..!
رموهم.. ولم يبق في ذلك البيت شيء يذكرني بك..
جدي.. يلومونني لكرهي لبيتك .. اعذرني جدي فبيتك بدونك وبدون أشيائك لا يطاق جدي..
اشتقت إليك كثيرا ..افتقدتك كثيرا .. جدي.. مضت إحدى عشر سنة على رحيلك .. وإلى الآن لم أنساك ..!
إلى الآن وأنا أتذكر شكلك عندما قبلت جبينك البارد.. لم أنسى قبرك ..لم أنسى أي شيء..
جدي.. سأظل أدعي لك حتى آخر يوم في حياتي .. ياحي ياقيوم ارحم جدي ووسع له في قبره ..
واجعله من عبادك المحظوظين بالجنة ..
رجاء لكل من قرأ : ( ادعوا له )

كشفوا سر الهوى =’)

( كشفوا سر الهوى وجنوا على الغرام ) وفرقوا بيني وبين ريم وحطموا احلامنا وامنياتنا ,
كنت انتظر بس احصل وظيفه عشان اكلم اهلي يخطبون لي ريم ,
وليتني ماحصلتها وجلست بطالي احسن من يحرموني منها او تحرمني من وجودها بحياتي..
طيب ليه عشانها ماهي من مستوانا وبنت عمي أولى بي من الغريبه !
وانتي ياريم اقولك لاتهتمين وان زادت الامور عن حدها باخذك غصب عنهم
تقولين لا ماابي انهان اي اهانه هذي اللي تشوفينها ..!

الاهانه يافهد لما اهلك يشوفوني دون المستوى ويشوفون بنت عمك احسن مني ,
عشان حنا اقل منكم مستوى ! او عشانك اخترتني مو هم اللي اختاروني لك ,
وبعدين افرض وافقت عليك واخذتني غصب عن اهلك تتوقع بنعيش بسعاده !
أكيد لا .. لا إنت اللي بتقوى بُعد اهلك ولا اهلك اللي بيخلونا لحالنا .. انساني يافهد =\

( بالله لاتتركيني واصليني فـ حرام ) طيب مافكرتي فيني وبـ حب استمر خمس سنين
ينتهي كذا عشان الاهل ..! طيب انا ايش ذنبي تتركيني !!!
معقوله بهالسهوله هنت عليك عارف صعب اخذك بدون رضى اهلي
بس اسم غامرنا عشان حبنا وماخلينا حبنا يمشيه غيرنا ..

على كل حال يافهد انا انخطبت لماجد خلاص وببدا حياتي من جديد
وحب الخمس سنين نسيته او بتناساه =\
الغريب ان ماجد من نفس مستواك بس اهله وافقوا علي .. غريبه صح ..!
فهد وافق على بنت عمك وعيش حياتك بدوني والله يوفقنا ببعدنا ..
أحبك وتحبني لـ متى رضى اهلك اهم يافهد اهم ..

( اين عهدي من حبيبي اين ذاك الكلام ) ولاّ كلام بالهوى ينقال عشان تغرقيني بحبك لا أكثر ..
انخدعت فيك ماتوقعتك بهالسهوله قادره تتخلين عني وتلقين غيري بـ بساطه عشان تبدين
حياتك من جديد أو عشان تثبتين لي شي لغايه بنفسك ..!
صدمتيني فيك توقعتك أوفى من كذا بس للأسف .. ماكنتي قد الوعد ..

( اتراه قد نساني ورماني للهيام ) ياااااه للحين اسأل نفسي ..! صحيح اني غبي =’)

مييشو ..

مشاعل .. ميشو .. تيمون <~ كل الطرق تؤدي الى شروره =p
صديقتي واختي .. شاركتني جزء من طفولتي وجزء من مراهقتي
أعشق قوة شخصيتها .. حكمتها .. جدها وقت الجد ومزحها وقت المزح
كنت لما اسوي شي غلط استحي اقولها .. ليه !.. لأنها بتهزئني =
ايه تهزئني .. كان خوفي منها كثر خوفي من امي :s
يمكن هذا الشي اللي ماخلاني اقول لها عن اشياء كثيره سويتها كانت غلط
قرييبة مني لدرجة تحس فيني من نبرة صوتي ..
يمكن هي الوحيدة اللي مهما قطعتها أرجع معها كني امس مكلمتها ..
علاقتي فيها بدت من ثاني متوسط .. كنا مهبل نتهاوش على ستار اكاديمي
لازم كل فسحه انا وهي بـ نقاش حاااد جدا لدرجه ان صديقاتنا الباقيات كرهوا القعده معانا :s
وكل مااذكر هواشنا اضحك .. ياسخفنا هههههه .. أنا اشجع اماني وهي تشجع أبو الهش
ونتهاوش من قلب اللي يقول اماني ولا هشوم مفتكرين فيننا o_O
انا : اماني صوته حلو وهشوم يستخف دمه :@ْ
وهي : لا اماني ثقيلة طينة وهشوم يجنن خفيف دم D=
وعلى هالحال طول الوقت .. < بزران كنا لحد يشره p=
بقينا مع بعض أول وثاني ثانوي .. صح ماكنا بفصل واحد بس ننتظر الفسحه عشان نتقابل <3
على نهاية ثاني قالت لي ( أمون انا يمكن أكمل ثالث بالجنوب عشان النسبه وبدخل الجامعه هناك )
هنا انا انهبلت .. يعني اقرب صديقاتي بتروح ..! وشلون بكمل ثالث بدونها ؟..
على ان انا كنت أدبي وهي علمي .. بس ولو وجودها معاي بمدرسه وحده غير ..
انتهى ثاني ورحنا نستلم شهاداتنا .. العاده مااحب اطول اخذ شهادتي واطلع
بس يمكن هذي اخر مره اشوفها فيها .. قعدنا سوا ساعه وشي كذا
ثلاث أرباع اللقا كان دموع .. كان وعود ان محد ياخذ غلاها بقلبي ولا احد ياخذ غلاي بقلبها
وعدتها اني ماانساها .. ووعدتني انها مابتنقطع عني
واني اذا تزوجت بتحظر زواجي وبخلي شهر العسل بشرورة
ومن نهايه ثاني لليوم ماشفتها .. بيني وبينها مكالمات ومسجات ..
مع هذا للحين تحس فيني اذا تضايقت أو فرحت قبل اتكلم ..
مع هذا للحين اتهزأ لو سويت شي غلط واعترفت لها فيه ..

( مشاعل مشتاقه لشوفتك كثيير .. صوتك ومسجاتك ماتكفيني أبد .. مشاعل رجعي الشرقيه .. عندنا بيبسي أحلى من حقكم ترى :p
مشاعل الله لا يحرمني منك ومن طيبة قلبك .. و يارب نستمر مع بعض حتى لو كنا بعاد عن بعض )