الثلاثاء، 31 يناير، 2012

..

انتي هادية .. ليه ما تسولفين .. مو طبيعي الوضع !!
أحس إني الوحيدة الهادية بهالعالم ..!
أحس أن الهدوء طبع شين من كثر ما ينقدون عليه !!
ما اشوف أحد ينقد عاللي ما تسكت
ولا اللي ما عندها الا التطنز وتقطيع بخلق الله !!
يعني هذا الشي اللي مو طبيعي مو الهدوء ..
ودي أي أحد يقولي إنتي هادية ليه ما تتكلمين
أقول له كل تبن -_-

هم نسوا

هم نسوا
باعونا برخص التراب ..
و قسوا ..
ليه يحزننا فراقهم !
ليه نستفقد عناقهم !
دام تركونا بلا سبب ..
لا حسافة عليهم ولا عتب ..

حبنا أناني

نكذب على انفسنا !
نقول بنبعد وكلّن يترك الثاني ..
ولا ذبحنا الشوق من سبّة تباعدنا
نرجع و يبان بوجيهنا وش قد كنّا نعاني ..
لا قربي منك ولا بعدك مريّحنا !
حسبي على الحب كان معنا أناني ..

ماهي رجولة

ماهي رجولة !
تخفي الشوق عنّي ..
تعتبرني إنسانة مجهولة
ما كنّك اللي أحبه ولا كنّي !
ذيك اللي غلاها صعبٍ تقوله ..

الاثنين، 30 يناير، 2012

بالرياض

المكان : الرياض / غرناطة مول / ستار بكس
كنا ثلاث أنا وشخص بجوّنا والشخص الثالث مراقب بصمت ..!

طلبت إن ينكتب لي على كلينكس ستار بكس اي شي للذكرى .
لكن طلبي رُفض .. وبعد أخذ و عطا اتفقنا على
( إنتي اكتبي اللي بقوله أنا خطي معاق )

بعد كذا انعضّت يدي ليه !! لأني أزعجت سمّوهم الكريم بطقطقتي عالطاولة
- علّمت العضة ولا ودي يروح الأثر ههههه
- كنت خاشّة الأثر طول الوقت  ما ابي احد يشوفه
ونسيت نفسي وقت العشا .. مديت يدي باخذ ورق عنب وبيّن سألتني وحدة منهم
( أمون ايش هذا اللي بيدك ؟)
من الربكة قلت مدري هههههههههههه

اعتبر هاليوم من أحلى أيام حياتي <3

لعبة صراحة

 لعبة صراحة وانسألت ..!
منهو أكثر شخص ما تستغنين عنه أبد ؟
لا شعوري طرالي إنت ..

جاوبتها من بعد جزرٍ و مد ..
صديقتي و أمي ( وبداخلي أقول بس إنت )
صعب استغني عنك مهما بعدت ..
كانت لعبة صراحة .. و انا بجوابي كذبت

الأربعاء، 25 يناير، 2012

أنا برياضك

أنا بديارك ..
رياضك اللي خذتك منّي ..
فرحتي كبر السما لأني أتنفس هواك ..
أنا بديارك ..
و أدري ما دريت عنّي ..
بدونك أنا بالرياض و اتخيلني معاك ..

الاثنين، 23 يناير، 2012

ماااا أصددق أمس يعني بنزل الرياض للمرة الثالثة
يعني ما راح احتاج علب 
مو مستوعبة لليوم 

السبت، 21 يناير، 2012

أبيه


أبيه ..
و أكذب إن مالي رغبة فيه ..
بينهم أدعي عليه ..
وبداخلي أسمّي عليه ..
أبيه ..
و اسأل نفسي ليه ..!
وش اللي علقني فيه ..
أناقضني .. أبيه ..
ولا أبي أرجع إليه ..

الرياض

اي شوق يحملني لتلك الديار ..
فأنا لم أزرها إلا مرتين في حياتي ..
و لم تكن لي ذكريات مع هذه المدينة
و لكني عشقتها لأنك فيها ..!
بل أكاد أُجن بها بسببك ..
لدرجة طلبي الغريب منهن ..




^
من جدّي ما أستهبل :)