الجمعة، 31 ديسمبر، 2010

2010



2010

بـ هالسنة تعرفت ع البندري ..

و تعلّقت بـ البندري ..

و حبيت البندري ..

و سواليفها , و ثقلها , وجنونها ,


بـ هالسنة عرفت إيش أنا عند العنود ..

شفت ( أمّون إنتي أقربهم لي ) بعيني فعل

بـ هالسنة حبيت العنود أكثر و أكثر و أكثر



بـ هالسنة انصدمت بشكل ,,

بـ هالسنة كنت كذابة بشكل ,,

و كنت قوية بشكل ,,



بـ هالسنة أدمنت الكوفي , عبدالمجيد , إليسا ,جاهدة .. بزيادة

و تعلّقت بالبحر بزياادة ..



بـ هالسنة كتبت كثييييير ..

بـ هالسنة دخلت العقد الثاني من عمري ..



بهالسنة واجهت أكبر مشكلة بحياتي :

وتعديتها , و قويت بسببها أكثر ..



بـ هالسنة أذنبت ذنب !

بـ هالسنة حافظت على صلاتي ..



بـ هالسنة ارتفع معدلي ..

بـ هالسنة نزلت7 كيلو هههههه




بـ هالسنة



حبيييت ,, و حاولت أنسى ,, و ما قويت


أملي بربي ..

يزيدني خير العام الفايت

ويبعد عني شرّهـ




الجمعة، 17 ديسمبر، 2010

لا تصدق



يَ أغلى من سكنّي
يَ أحلى ذكرى مرتني
و أعذب ..
لا قلت لك نسيتك لا تصدق
ترى أكذب !!

يمكن ما أحبك !


آخر علومي !!
ألهّي نفسي بالدنيا
عل وعسى أنساها همومي ..

-----
نادم
ودّهـ يرجع نعيش الهوا ..
زيّنا زيّ الأوادم !!

-----
ما برجع !!
كل المشاعر بداخلي ماتت
ولا عدت لي تنفع ..

الاثنين، 15 نوفمبر، 2010

ما التهيت ؟

مع اقتراب كل عيد
تجتاحني عاصفة من الحنين
لا إليك !!
بل لصوتك وانت تقول لي :
( لا تلهين بالعيد عني)

ترى .. من لهيَ بالعالم عني
( أنا ولا انت يا خلي ) !

وتسألني عليك الناس



وتسألني عليك الناس :
وينه !
مااشتاق لضي عينه !
ما رجعه حنينه !!

علمني إيش أقول !
راجع لنور عينه ..
ولا ناسي الحب وسنينه ..

صعبانة على حالي


مستغربة حالي ,
زايد حنيني لك !
من أجلس لحالي
ينشغل تفكيري بك ..
أثره مابقى عالشتا شي
وشكلي بشتاقك شوي ..
شوي !!
إلا كثير بس ماودي اتكلم
أكابر ..
وانا من جوا اتألم
صعبانة على حالي
شتا !!
وبقضيه لحالي ..

الجمعة، 22 أكتوبر، 2010

لا تسألين ..!



في الأمس :
كانوا يسألوني عنكِ ,,
كنت أخبرهم أنكِ بـخير ,,
رغم انقطاعك عنّي
لا أستطيع البوح لهم بأننا أصبحنا غرباء ..
فـ أضطر لإستخدام الكذب ..
منعا للإحراج

واليوم :
عندما يسألوني ,,
أُجيب بـ : ( يووه من زمان مدري عنها )..
يتعجبون و يقولون : ( معقول ! هذا و انتوا صديقات ! )
أرد عليهم بـ : ( من يقول !! ) .

بـ ابتسامة .. و دون أي إحراج ..

السبت، 16 أكتوبر، 2010

إرتجال لـ النودي


أنا ضايق ..
أنا ليلي ما أنامه
وانت ..
منت فايق ؟
يمكن أعوفك !
وتعيش بندامه ..
ولا صرت متضايق
ما أجيك ..
ولا أسأل .. علامه !!

------------

بسألك وغيرالصراحة
مابدي
إنتي مين حبك بالدني
أدّي !
مين اللي لزلاتك
يعدّي !
يعني لأجل هالمشاعر كلها لا تصدّي
ارحمي احساس قلبي وردّي


------------
إنتي لو توكزك إبرة
أضيييييق :(
و أسهر لك إلى بكرة


------------

عمركم شفتوا وحدة تجبر صديقتها تكتب عنها :q
وما تخليها تنام ولازم شي ارتجالي ,,
يعني بنكتب بالوقت إللي هي تطلبه :(

بس تستاهل نوديتي :$

هنا بيكون اشياء ارتجالية خاصة لنوديتي :*

الجمعة، 1 أكتوبر، 2010

ذاكرة للنسيان


كعادتي .. عندما أشعر بـ الملل ألجأ للـ youtube
و ( من كثر الملل )
قررت مشاهدة مسلسل الأطفال كما يحلو لي تسميته
أميمة في دار الأيتام ..
( أضيّع وقت مو أكثر )

لم أتابع منه سوى بضع حلقات
لـ سببين :
أولهما : شطحات المخرج التي لا تصدق
و ثانيهما : بنات الدار المتصابيات ( وهم أصغرهم بعمر 22)

المهم ..

لم يجذبني في هذا المسلسل سوى مقطع لـ أميمة
تقول فيه :

"
ياليت نقدر ناخذ ذكرياتنا السيئة كلها ونحطها في علبه كبيرة ونصك عليها
على طول ونكتب عليها بقلم أسود خطه عريض ذاكرة للنسيان
"

امممـ حسناً سآتي بـعلبة و لكن كبيرة كبيرة جدا بحجمه ..

أتعلمون لم !؟

حتى أرميه ويتم التخلص منه ومن ذكرياته السيئة معاً

و أكتب على تلك العلبة " ذاكرة و رجل للنسيان "


لكن هل سأنسى

الثلاثاء، 21 سبتمبر، 2010

يَ أغلى ما خلق ربي لـ قلبي

نوديتي ..
بنو ..
لين ..
جود ..
نجود ..
مهاوي ..

ما بـرتّب اللي بـقلبي لكم ..

كل عام و انتوا أقرب لي من الدنيا كلها ..
كل عام و انتوا غامريني بمحبتكم ..
كل عام و انتوا اغلى من عرفت ..

دخلت العشرين و انتوا جنبي .. إيش أحلى من كذا ؟؟

نوديتي .. يا أقرب خلق الله لقلبي ,,
يا أطيب قلب ,, أحبك و أموت فيك ,, صوتك ينسيني كل همـ ..
يا ليتني عرفتك من زمان كان ما ضيعت عمري مع اللي اعتبرتهم صديقات =\
عمري عمري ما أنسى وقفاتك معاي ,, عمري ما أنسى تحملك لمزاجيتي
مدري شقول .. بس أغلييك كثر ما تغليني و يمكن أكثر ..
الله لا يحرمني منك .. خجلتيني .. شكراً من قلبي ..


بننو ..توأمي.. شبهي بالطبع و المواهب الفتاكة :q
مع إني ما أتحمل شخص بنفس طبعي.. بس إنتي غييير ..
بسبتك حبيت أشياء ما كنت مقتنعة فيها ..
على إن ما كملنا سنة مع بعض أحس إني أعرفك من عمر ..
شكراً على كل شي حلو قدمتيه لي.. ممنونة لخفوق
إللي عرفني عليك.. شكراً من قلبي..


لييين.. مدري شقول .. بس أحبك .. وفاقدتك بشكل خياااااالي ..
رجعي أبي أتطيبع :( .. أبي تلعبيني لعبتك ذيك :(
وحشتيني.. شكراً من قلبي ..


جوود .. أحبك أقوى شي .. و شكراً أقوى شي ..
يا رب ما انحرم منك و من ضحكتك الغبية اللي أحبها ..
أحلى شي إنك حققتي أمنية البنات بعشريني ..


نجود .. حبيبة ئلبي من جوا .. تعرفين شقد أحبك ..
الله يخليك لي إنتي و هنو .. شكراً من قلبي ..



مهاوي.. حبي.. خبلتي..اختي الصغيرة ..
أحلى شي صار هو كوفييك و كوكيزييك المجانين ع قولتك..
اممم بقولك شي : ترى ما عمري صادقت أصغر مني إلا إنتي البزرة الوحيدة
إللي أحسها كبري هههههه.. الله لا يخليني منك.. شكراً من قلبي ..



ان شالله كلكم تحتفلون بثلاثيني و اربعيني و خمسيني و ستيني و سبعيني ..
أحبكمـ يا رب تكفيكم هالكلمة :*

<~ للي يحبون ينكدون :q .. البنات طالبيني بـ هالشي :) .. و يستاهلون أكثر :*

- ( يومي كان بـ 18 \ 9 ) .

السبت، 18 سبتمبر، 2010

..

في عامي الثامن عشر..
قيل لي : ( من يومك نحس .. انولدتي بالغزو ..
لا و شهرك هو نفسه شهر أحداث الـ 11..
شهر قلبة الغرب على العرب ) .

و اختتم الحديث بضحكة.


في عامي العشرين ..
قالت لي البندري : ( أحلى شي بـ 1990 مولدك ..
وأحلى مافي سبتمبر يومك ).

وختمتها بـ قبلة .

( يَ كبر الفرق ) .

/:

السبت، 11 سبتمبر، 2010

3had


خجولة أنا قدام هيك إطراء :*
ومين يقول إآنه مو مرة !
يكفي إنه عنّي :q
( مانزلتها بالفليكر.. هنا أقرب (; )

شعور


تصدّق ..!
قبل هالعيد بإسبوع
ضقت .. غرّقت عيني دموع ..
هو أنا غاوية نكد !..
ولا أنا ناوية رجوع !..

و الا تدري ..
جايز العين تعبانة ..!
وضيقتي من تعبها ..
جايز تكون ولهانة ..!
و بـ دموعها تحكي عتبها ..

يووهـ .. و ليه أعلمك !..
واذا ضقت و عيني تدمع !..
يعني بتحنّ لي و ترجع !..
هو انت أصلا تسمع !..

ما جيتك أشكي .!
جيت أشرح لك شعور ..
قمت أحسّه من تركتك
هو يزورك هالشعور ..!
و لا بس أنا إللي فقدتك ...

الثلاثاء، 7 سبتمبر، 2010

خبريها يا لندن /:





ديري بالك يا لندن عليها ,,
لا تّنكّد طلبتك .. لا تكدّريها ..
واسيها .. هوني الغربة عليها ..

طمنيها علي /
أنا للحين حي !
تاعبني بُعدها ..
و انا من لي بَعْدها !؟
مين اللي بـ يحس بي !؟
مين بـ يهوّن غربتها علي ؟!

مين يمسح دمعتي لا بكيت !!..
مين يكمّل فرحتي لا اهتنيت !!..

علميها يا لندن :
حالتي ماتسّرْ ..
بعيده عن هالبشر ..
جالسة وحدي أبكي قهر ..
أبكي من غيرتي مطر ..

جالسة وحدي أهذي :
يعني بـ تصادق وحدة غيري !؟
يعني بـ تفضفض لـغيري !؟
يعني بـ ينقص قديري !؟

عاتبيها يا لندن :
بعد ما عودتني عليها
تروح و ما تهتمـ ..!
تخليني أعيش بهمّـ ..!
و انا توّهـ جرحي ما التأمـ ...

اسإليها يا لندن :
متى حالتي تزين !!
متى شمسي تبين !!

خبريها يا لندن :
وشهي أمون لا غدت بدون لين :( ؟

الاثنين، 6 سبتمبر، 2010

أي عيد و انت بعيد !..







يابعيد !..
يعني هاين عليك
ألبسه .. ثوبي الجديد
وانت بغيابك تزيد ..!
و لا أشوفها عينيك
في صباحية
العيد /:

الأحد، 5 سبتمبر، 2010

تذكري تلك الأحباب يامدينة الضباب =')



25\3\2009...

رأيتها في الجامعة بلندن ,, علمت بأنها سعودية أو خليجية من ملامحها..
لم أكن من الشبان الذين يعشقون العلاقات مع الفتيات ..
لم آتي إلى هنا لأعيش قصة حب في مدينة الضباب ..
لكنّي لم أستطع السيطرة على نفسي أمام هذه الفتاة ..
بحثت عن سيرتها ,, تقريبا عرفت كل شيء عنها
كان أسمها حلا ,, وبالفعل كانت مثل الحلا ..
عرفت ماذا تدرس ,, وفي أي سنة ,, وأين تسكن ,,
تبقى لي الهدف الأخير : طلب صداقتها ,,
أو الاعتراف بإعجابي بها ,, لن أقول حبي !..
فـ لم يحن الوقت بعد لذلك الاعتراف ...


كانت تقرأ كتاب ,, مندمجة مع القراءة ,, لدرجة لاتشعر بـ ضجيج من حولها ..
ناديتها : ( لو سمحتي اختي ) لم تجب ,, كررت النداء ولا جواب ..
وضعت يدي على كتفها وليتني لم أضع :\ .. صرخت بوجهي :

( خييير سلامات ,, انت خلاص فصخت الحيا مرة وحدة ,, أنا ملاحظتك من زمان
تلاحقني من مكان لمكان وسااكتة ,, قلت يمكن صدفة ,, لكن توصل وقاحتك
لكذا ,, أكسر إيدك تفهمـ ) ..


تصلبت في مكاني ,, أرعبتني نظراتها التي تنذر بـ كل شر ,,
تداركت وضعي بعد خمس دقائق من التصلب ونطقت بـ ( انتي فهمتيني غلط
أنا كنت أنادك وماكنتي تردين قمت حطيت يدي على أساس أهزك عشان تستوعبين
لأن شكلك كنتي مندمجة بالقراية ,, بعدين لحظة ! وشو اللي تلاحقني من مكان لمكان
ليه مين حضرتك الـ lady gaga مثلا .. ولا ريم بنت الوليد ؟؟
كل ما في الموضوع إنّي كنت بـقولك نظارتك طايحة عـ الأرض ,, بس أنا غلظان المرة الجاية
لو أشوف شنطتك بكبرها طايحة مابقول ...)



ومشى !.. أحرجني بـ كلامه ,, أحسست بأنّي أتوهم ,, لم يكن يلاحقني .. بالفعل من أنا
ليلاحقني ؟.. ( ضاع وجهي ) شعرت بالذنب تجاهه ,, كيف لي أن أعتذر منه ؟!
لا لن أعتذر ( أخاف يصدق عمره بعدين ,, بس كان شكله حلو وهو منصدم لما صرخت عليه ,,
ويوم كان يهزئني ويظالع باحتقار كان كله ثقة ) o_O
لحظة !.. لم كل هذا الاهتمام كلانا غلط بحق الآخر ,, إذن كلانا يعتذر للآخر ,, والأحرى أن يبدأ هو D:



22\5\2009..

( لو سمحتي ,, نعم ,, أنا آسف عاللي صار بيننا ياأخت ؟!
حلا إسمي حلا =) ,, اممم وأنا بعد اعتذر طولت لساني
وانت ماتستاهل جاي تنبهني على نظارتي عموما مشكوور يا أخ ؟!
رائد =) ,, يوه ماحصل إلا الخير , عندك شي الحين ,,
لا ليه ,, عازمك عـ كوفي بمناسبة الصلحة ههه شقلتي ؟! ,, اممم أوكي )

أول جلسة تجمعني بها ,, أول مرة أكون بقربها ,, تحتسي مشروبي المفضل ,, رغم تفضيلها الشاي ,, لكنها لم تشأ
أن تردني ... كانت أجمل عن قرب ,, وكنت ( من فرحي أبغى أطير ) ..


كان وسيمـ ,, هااديء ,, ( ثقييل ) ,, مربك قربه ,, أجبرت نفسي على شرب قهوته رغم إنّي لا أحبّها كثيرا ..
كان حديثنا حول آخر كتاب للكاتب الفلاني ,, وآخر قصيدة للشاعر الفلاني ,, أعجبت بكمية الثقافة التي يمتلكها ..
وددت لو أنّ الموعد لمـ ينتهي بعد ..



15\7\2009..

اعتدت عليها ,, في الجامعة ,, في المنزل ,, في الإجازات الاسبوعية ,, لا أنام قبل سماع صوتها ,,
لا أحضر محاضراتي قبل أن أراها ونذهب للمقهى ,, نفطر سوياً ,, جعلتها تدمن قهوتي ,, كإدماني
على شرب الشاي الحالي كما تحبه هي ,, يعتريني خجل عندما أحاول التصريح بـ حبي لها فـ أصمت \:



أحببته .. نعم علمني معنى الحب ,, الاشتياق ,, السهر ,, صرت أراه في زوايا غرفتي ,, لا أستطيع النوم
إلا إذا احتضنت معطفه الذي أعارني إياه ذات يوم بارد مثلج ومغيم ..
أحبه لكنّي أخاف البوح له بـ هذا الحب ,, أخاف أن يكون يراني كـ صديقة لا أكثر ..



26\12\2009 ..

( حلا ,, لبيه ,, راح أفقدك تصدقين ,, حتى أنا ,, طيب ماراح أشوفك لا رجعنا السعودية ,, هههه لييه ناوي يسحبون الجنسية مننا ,,
هههه من جد , طيب ولا حتى أكلمك !؟ ,, اممم إذا طلعت لي شريحة جديدة عطيتك الرقم عالإيميل ,, أوكي , ودعتك الله )


رجعت إلى ياري ,, إلى حضن أمي الدافيء ,, اشتقت للجميع ,, لكن اشتياقي لها كان أكبر رغم أنه لم تمر سوى سبع ساعات من فراقنا ,,
الكل مبتهج بـعودتي ,, فأختي تحتضنني بين الحين والآخر ,, وأخي يقبل رأسي ,, وأختي الصغرى تطعمني من الكعك الذي أعدته خصيصاً
لي .. لك فرحة أمي بقدومي كانت مختلفة :
( خلاااص خلوا اخوكم يرتاح شوي ,, عتقوه دخيل الله ,, يلا يمه روح نام عشان أبيك بسالفة
مهمة بعدين ,,
خير يمة شصاير ,, انت ريّح الحين بعدين أقولك ,, لا مرتاح ماني تعبان علميني شالسالفة ؟! طيب اسبقني عالمجلس أبيك لحالك ..

(انتظرتها بالمجلس إلى أن أتت ) هاه يممة خوفتيني شالموضوع ,,
كل خير ياعيوني يممه دامك خلصت دراسة ماشالله ووظيفتك جاهزة
مابقى الا إني افرح فيك وازوجك لبنت عمك تراها وصية الوالد الله يرحمه ,, وصاني آخذها لك تجهز للأسبوع الجاي ....
( صدمة ,, حرقة قلب,, استرجاع ذكريات لندن والحلا ~~> والرد ؟! ) ان شالله يمه مايصير خاطرك إلا طيب واللي تبينه يتنفذ ) ...

الآن أحسست بالتعب =( ,, ذهبت لغرفتي ,, حاولت النوم ولكن دون جدوى ,, فتحت اللاب توب أملا في أن أراها على قائمة المتصلين
بالماسنجر ,, وبالفعل وجدتها ,, سألتها عن استقبال أهلها لها ,, ولم أجرؤ على سؤالها بحالها من بعدي ..


( هلا واللله برااائد ,, يووه ماتصدق شكثر فرحانين أهلي برجعتي ,, بكرة أبوي مسوي عزيمة لكل العايله عشاني ,, وبعدها أعمامي
,, بعدين أكيد خوالي ,, يمكن آخذ شهر شهرين على ماتخلص العزايم اللي على شرفي هههههه ,, وانت بشرني عنّك !؟ أكيد أمك
واخوانك فرحانين برجعتك ؟!)


( هههه ماشالله الله يخلي لك أهلك ,, اييه اهلي فرحانين برجعتي أمي من كثر فرحتها تبي تزوجني بنت عمي الأسبوع الجاي تصدقين \:
( صدمة ,, حرقة قلب ,, استرجاع ذكريات لندن ,, ومعطف رائد ~~> والرد ؟!)
والله كللللللووووش مبروووووك مقدماً ,,
الله يوفقك يارب ,, ياحليلها أمك ماصدقت تجيب الشهادة وتزوجك ,, عاد اعزمني عـ زواجك خاطري أشوفك بالبشت هههه ,,
حلا من قلبك
هالكلام ؟ ,,
يوووهـ شفييك أخوي ماتبيني أفرح لك يعني ,, ولا خايف بجي العرس مبرقعة محد بيعرفني هههه ,, اهاا يللا عن اذنك بطلع أنام,, اذنك معاك )

مكرهة على استخدامي لهذا الأسلوب معه ,, بكيييت حتى جفّت عيناي ,, اليوم دون أن أراه ,, دون أن أسمع صوته ,, أدركت أنه يحبني
كـ حبيبة لا صديقة ,, اليوم أدركت أن أن رائد لن يصبح قدري ,, فـ ( عطيته بلوك وديليت ) من قائمة الماسنجر لا من قائمة تفكيري الذي لايشغله سواه ,, ولا قلبي الذي لا يسكنه غيره ..




26\12\2010..

مرّت سنة على زواجي من ابنة عمي سارة ,, صار عندي طفلة منها ,, سميتها حلا ,, احيائا لذكرى الحلا ولندن ,,
لكن للأسف لمـ أحبها بعد ولا أمها كـ حبي ( للحلا ) \:



مرّ على زواجي من سالم ستة أشهر ,, أحمل طفله الآن في رحمي ,, علمت أنه ولد ,, وصممت على تسميته برائد \:

تمّت ...

الجمعة، 3 سبتمبر، 2010

وأكبر الخيانات النسيان


كانوا حولي ,, دائما معي ..
وكنت أعتقد أن لا شيء
في هذا الكون سـ يفرقني عنهم ..

كانوا نظري ,, سمعي ,,
يفهمونني في سكوتي وكلامي ..

والآن ..!



رحلوا بلا مبرر ..
رحلوا وتركوا لي الذكريات من بعدهم /:

نادمة بقدر حبي لهم ..
فـ هذه النوعية من البشر
لاتستحق سوى النسياااان ..

( وأكبر الخيانات النسيان )

الثلاثاء، 31 أغسطس، 2010

بـ ننسى


وإذا يعني افترقنا وصرنا بعاد !
بنحزن يوم .. يومين .. أو حتى شهر ..
بعدها صدقني نقابل عالم جداد ,
وننسى أبو عشقنا ونقطه بحر ..

مرد الوقت ياخلي ينسينا ,,
ومشاغلنا أنا وانت تلهينا ..

من الآخر ياحبيبي ..!
ياللي كنت دواي وطبيبي ..

أبي أبعد وتبعد ..!
ترى صدقني نكون أسعد ..

أبيك انت ترتااح
أبي ضيقتي تنزاح ..
............... تنزاح ..
............... تنزاح ..

الثلاثاء، 10 أغسطس، 2010


( البنت مثل الكوره ارميها ترجع لك )

رغم قسوة هذه الجملة وبشاعتها إلا انني اقتنعت بصحتها مؤخرا
نتيجة تصرف س من الناس, آلمني موقفها لم أستطع تمالك نفسي
( هزئناها ) أنا والبنات ( تركيه مايستاهل ظفرك ,, لا لا ماتقدر
تتركه بس صفطيه شهر خله يتأدب بعدين رجعي ,, أصلا
مابني على باطل فهو باطل تستاهلين اللي جاك ,, إلخ إلخ ..)
كانت تنصت إلينا بكل هدووء وتمعن ,, وفجأة أجهشت بالبكاء
( انتوا على حق بنات أنا ذليت نفسي هذا واحد مايستاهلني )
المهم بعد مضي فترة من الوقت ( تناقض .. كل هالدنيا تناقض
واللي ما يقدر يناقض اقتناعاتُه .. بسياساتُه ويله ويل ويله دوم )
<<~ نغمة جوالها xD
أخذت س تصرخ ( أخيييرا ماأصدق ماأصدق )
البنات : ايييش فيه
هي : ( بعيون مسبلة وخدود حمر .. الحقير دق علي عن اذنكم ).
قفزت من أمامنا كالقرد ونحن نناظرها بذهول وماسمعنا من المكالمة سوى
( اشتقت لك يالحقير )

فأدركنا ان ( عمك أصممخ )


( طبعا هالشي ينطبق عليها مو كل البنات مثل الكوره )

الجمعة، 23 يوليو، 2010

خلوني مع نفسي



أشعر بأني محبوسة بغرفة مظلمة
لا أكسجين ,, ويد تخنقني
أشعر بأن نهايتي قد اقتربت
منذ أن قررت نسيانك وأنا أعااني من ثلاث ,,
أرق + فقدان شهية + إدمان الكآبة والبكاء
فـ هذه تضاحكني وتلك تعاتبني
ولا جدوى من تلك المحاولات ,,

لا أريد أحد ,, أريد البقاء وحيدة
أحتاج مراجعة حساباتي
ترميم نفسي بنفسي ,,
أحتاج تضميد جروحي ,,
فقط أريدني ...
فقط أريدني ...
فقط أريدني ...

الخميس، 10 يونيو، 2010

ترحمني..!

تستغرب هي من شدة تعلقي بك..
تمد يدها إليّ محاولة إخراجي من دائرتك..
لكني لن أمسك بيدها..
ببساطة.. لا أنوي الخروج..
أتعلمـ.. اخبرتني أنها ترحمني كثيرا..!
لقبتني بـ المغفلة.. لماذا ..!؟
لأني عاشقة..
أحيا على أمل أن يربطني القدر بك..
تحكي لي بأني نزوة في حياتك..
وستتخلص مني بأقرب فرصة ممكنة..
لاتخذلني أمامها..لاتجعلها تنتصر علي..
عد.. لنثبت لها العكس..
فأنا لمـ أقتنع بما قالته حتى هذه الثانية....

السبت، 5 يونيو، 2010

لـ صديقة


ذكرتك وزان جوّي..
وقمت اشوف الشوك ورد..
ذكرتك يابعدهم كلهم توّي..
وصرت أحس الحر برد..
عساك انتي ذكرتيني..
وعساك اشتقتي لعيني..
لضحكاتي.. لسواليفي وسنيني..
أنا حاستك علي ولهتي..
أنا متأكدة على شوفتي تشفقتي..
واثقة انك تعزيني لو قسيت..
لو لهيت بحياتي عنك أو سهيت..
أبقى أقربهم لقلبك لو جفيت..
مو غرور..!
بس دارية..
انك لوصلي شارية..
عارفة اني لو بعدت.. بقلبك أنا غالية..
وانتي.. انتي عندي شي غير..
شي مايوصفه أي تعبير..
انتي وجودك بدنياي خير..
خلك قريبة لاتبعدين..
خلك صديقة لاحتجتك تجين..
لاقلت أبيك الحين جيتيني تركضين..
ياأقربهم وأصفاهم..
كيف جوّي مايزين..
وانتي اللي على بالي تطرين..
ياأنقاهم وأحلاهم..
عساك تعرفين..
وش لك بقلبي من حنين..

الأربعاء، 2 يونيو، 2010

مذنبة بحقك


ابتعدت عنك كثيراً ..
تماديت في عصياني لك ..
أعلم أنه لن ينصفني سواك ..
ولا سعادة لي إلا بذكرك ..
ومع ذلك أكابر عن التذلل لك ..
أعلم أن سبب شقائي وبؤسي ابتعادي عنك ..
وأعلم أن لن يرحمني غيرك ..
ومع ذلك مقصرة في حقك ..
لم تطلب مني الكثير ..
لم تحملني مالا طاقة لي به ..
ومع ذلك استصعب العمل بما أمرتني به ..

ربي.. ياهادي اهدني لطاعتك..
ياودود ياغفور اغفر لي و اصفح عني..
امسح صفحة ذنووبي.. أعنّي على طاعتك ..
ياشافي شفاء قلبي بذكرك فساعدي يالله ..
قربنّي إليك ربي فـ أنا أحوج خلقك إليك ..
..................... فـ أنا أحوج خلقك إليك
..................... فـ أنا أحوج خلقك إليك

الجمعة، 28 مايو، 2010

تعب..

متعبة..
لا أشعر بجسدي..
لا أستطيع الحراك..
فقط أفكر بك.. ثم أنام لأحلم بك..
بدلت مكان نومي.. لعلها أحلامي تتبدل..
ولكن لاجدوى من هذا التبديل..
سوى آلام بالظهر..وصداع شديد..
مسكينة هي أمي..
تأتي بين الحين والآخر وتقيس حرارتي..
ترغمني على شرب الدواء..
وتمنعني من شرب أي شيء بارد..
تعتقد أنها ستمنع تسرب المرض إلى جسدي..
رغم هذا مازلت متعبة..
لم يستطيب مني شيء..

تعزيني..!

تعزيني..
ولا ودك تتركيني
وتنهين أيامنا وتنهيني..
أي معزة..
وأي مودة..
وانتي من أسبوع وأكثر
ولا فكرتي تسألين
وانا استناك واصبر..
علميني وش مني بدر..
وش اللي خلاك تجفين..
صدقيني بتصرفاتك تتعبيني..
صدقيني انتي عايشة فيني..
وقدرك غير فلا تشغليني..
طلبتك لاتبعدين وتخليني..
اعرفك تحبيني..
ولافكرتي تنسيني..
واذا قلتي كرهتك انا
رجعتي وقلتي لاتصدقيني..
ارجعي لي وزعليني..
وتعالي بعدها راضيني..
بس عنك لاتبعديني..

كذبة

مرتاحه بدونك والله يتمم علي..
أبد ماعشت في هم..
أبد ماصار لي شي..
تصدق ولا اشتقت لك..
وقلبي مو محترق لشوفك..
ولا في يوم اتخيلك..
وابد مازارتني طيوفك..
ولا ودي ترجعلي ..
وابكي لك وتسمعلي..
بديت أعوفك تصدق ..
وحلمي بنسيانك تحقق..
( وياكذبتي اللي ماتتصدق )
( وياكذبتي اللي ماتتصدق )
( وياكذبتي اللي ماتتصدق )

حقيقة..

أحبك..
حقيقة لايمكنني نكرانها..
ولكنني أكره غيابك..
وأكره نكرانك لـ جميلي..
أين ذهبت وعودك لي..!
أتذكر عندما وعدتني بأن تنسيني كلمة فراق..
و أن لاتجعلني أشعر بـ اشتياقي لك..
لأنك ستكون حولي دائما ..
لكنك فعلت العكس تماما ...
اصبحت شاحبه بدونك..
حزينة على نفسي جدا..
وحزينة على سنيني التي قضيتها معك..
خذلت قلبي وأحلامي و (عشمي فيك )
ولكن لازلت أحبك..!
بل لازلت أعشقك.. وأشتاق إليك..
وأكره غيابك الغير مبرر ..

يالرياض

علميه يالرياض إني أبيه..
واسأليه هو يذكر الحب ولا تناساه..
حننيه يالرياض ولي جيبيه..
ذكريه بشوقي ذكريه بعشقي له..
فهميه يالرياض ان محدٍ يساويه..
خبريه عن حالي بلياه..
مانسيته لا حشى ولا بنساه طمنيه..
كيف بنسى وانا بكل مكان القاه..
بلغيه يالرياض اني احبه واموت فيه..
ولا قدرت اجفى وعايشه على ذكراه
اشتقت انتظر منه رساله تطمني عليه..
استقت لايامنا واحلامنا أنا وياه..
اسأليه يالرياض هو مبعدن لييه..
يحسب اني بهالبعد بنساه..
يعلم الله ماقدرت اني اخليه..
ويعلم الله اني اعشقه واهواه..
يالريااض والله العظيم أغليه..
يالرياض والله العظيم أبغاه..

تعودنا

على طاري الحنين وأغاني راشد القديمة..
( تعودنا ) تذكرني بغيابك وصداتك الأليمة..
تذكرني بذاك الشعور اللي عطيتك ولا أبديت له قيمة..
تذكرني بذاك البعد والهجران بذيك القسوة والحرمان..
بغيابك عني والتناسي بعنادي وقلبي من بعدك بمآسي..
بأول يوم في حبك وآخر لحظة في بعدك..
لحظة ألم ودموع وحرقة قلبي الموجوع..
بـ طلبتك ادعيلي أعيش بخير.. وربي يوفقك يانصيب الغير..
تذكرني بشوقي القاتل لوصلك وعزتي تأبى علي ذلك..
براحة قلبي من قبلك ومن بعدك غدى هالك..
حبيبي على هالبعد انا وانت تعودنا..
على عنادنا والنسيان تأقلمنا..
ولا به شي يفوقنا يرجعنا انا وانت كما كنا..
حبيبي انا وانت على كلمة أبيك وتراني ميتٍ فيك تكابرنا..
وللعشرة وأجمل مشاعرنا تنكرنا..
ولا به احد خسران يصيح الليل يدعي يارحمن كثرنا..
(حبيبي وين ماضينا) وين ايامنا الحلوة وليالينا..
وين أجمل سنين العمر وغرامٍ باقيٍ فينا..
تعبت أكذب على قلبي وأقول له بنسى..
وأقوى على بعدك وهجرانك وأكون أقسى..
وعلى طاري ذاك الجفا وانك سهل تنسى..
طلبتك ( علمتني شلون أحب علمني كيف انسى )

على ذكراك أنا باقي ..

رحلت .. عندما بدأت أكبر ..
عندما تعلقت بك كثيرا.. رحلت عني بعيدا..
افتقدتك كثيرا .. افتقدت ضحكتك..

وعيت عليك وانت مريض .. عاجز عن الحراك..
كنت أحبك كثيرا..
كنت أغضب كثيرا عندما يمنعك عمي أو جدتي عن أكل السكريات..
فأخبأ الحلوى والكورن فليكس عندي حتى يحين الليل وأعطيك إياه لتأكله..
لم أكن أعلم أنه مضر بصحتك..
كنت متعلقة بك حد الجنون.. أحبك أكثر من أبي..

تحكي لي جدتي أني في صغري كنت دائما عندكم..
كنت أعشق باصك أكثر من سيارة أبي الفارهه..
تستغرب جدتي لأني لم أعد أحب المبيت في بيتكم..
معقول..! ألم تستوعب بعد أنه من بعد رحيلك لم يعد للبيت روح..!
رحلت عني وأنا في التاسعة من عمري..
كان خبر رحيلك مؤلم على الجميع..
أتذكر عندما وصلنا البيت كان أبناء عمتي في (الحوش)
ينتظروننا ليحكوا لنا سبب رحيلك..
بدأوا بأساطيرهم التي لاتنتهي :
( عمو خذ جدو وطيحه بحفرة وجا الرجال بيطلعه إلا مات )
( عمو كان مسرع بالسيارة وجدو يقوله خفف وكان عمو مسرع
بيوديه المستشفى الا آخر شي جدو خلاص بيموت قال لعمو مابسامحك لانك مسرع )
< حاقدين عالعمو p: صدقنا الخبر وتوعدنا بعمي.. وأن لا أحد منا (يعطي عمي وجه)
إلى أن علمتني أمي بأن الله توفاك ولم يكن لعمي أي سبب سوى أنه أوصلك المستشفى وتوفيت بالطريق..
لم أحس بفقدك إلا بعد مضي سنه تقريبا على رحيلك.. كرهت البيت بدونك..
كنت أختنق كثيرا وأنا معهم.. لا أحد منهم يحمل صفاتك..
لا أرى بأحد منهم طيبة قلبك.. حنانك.. عفويتك.. صدقك.. رحمتك.. الخ
لم يبق شيء يذكرني بك سوى كرسيك وسريرك.. ورموه..!
أتصدق ذلك.. أكانوا حمل ثقيل عليهم..! أم أنهم أخذوا حيزا كبيرا من البيت ..!
رموهم.. ولم يبق في ذلك البيت شيء يذكرني بك..
جدي.. يلومونني لكرهي لبيتك .. اعذرني جدي فبيتك بدونك وبدون أشيائك لا يطاق جدي..
اشتقت إليك كثيرا ..افتقدتك كثيرا .. جدي.. مضت إحدى عشر سنة على رحيلك .. وإلى الآن لم أنساك ..!
إلى الآن وأنا أتذكر شكلك عندما قبلت جبينك البارد.. لم أنسى قبرك ..لم أنسى أي شيء..
جدي.. سأظل أدعي لك حتى آخر يوم في حياتي .. ياحي ياقيوم ارحم جدي ووسع له في قبره ..
واجعله من عبادك المحظوظين بالجنة ..
رجاء لكل من قرأ : ( ادعوا له )

كشفوا سر الهوى =’)

( كشفوا سر الهوى وجنوا على الغرام ) وفرقوا بيني وبين ريم وحطموا احلامنا وامنياتنا ,
كنت انتظر بس احصل وظيفه عشان اكلم اهلي يخطبون لي ريم ,
وليتني ماحصلتها وجلست بطالي احسن من يحرموني منها او تحرمني من وجودها بحياتي..
طيب ليه عشانها ماهي من مستوانا وبنت عمي أولى بي من الغريبه !
وانتي ياريم اقولك لاتهتمين وان زادت الامور عن حدها باخذك غصب عنهم
تقولين لا ماابي انهان اي اهانه هذي اللي تشوفينها ..!

الاهانه يافهد لما اهلك يشوفوني دون المستوى ويشوفون بنت عمك احسن مني ,
عشان حنا اقل منكم مستوى ! او عشانك اخترتني مو هم اللي اختاروني لك ,
وبعدين افرض وافقت عليك واخذتني غصب عن اهلك تتوقع بنعيش بسعاده !
أكيد لا .. لا إنت اللي بتقوى بُعد اهلك ولا اهلك اللي بيخلونا لحالنا .. انساني يافهد =\

( بالله لاتتركيني واصليني فـ حرام ) طيب مافكرتي فيني وبـ حب استمر خمس سنين
ينتهي كذا عشان الاهل ..! طيب انا ايش ذنبي تتركيني !!!
معقوله بهالسهوله هنت عليك عارف صعب اخذك بدون رضى اهلي
بس اسم غامرنا عشان حبنا وماخلينا حبنا يمشيه غيرنا ..

على كل حال يافهد انا انخطبت لماجد خلاص وببدا حياتي من جديد
وحب الخمس سنين نسيته او بتناساه =\
الغريب ان ماجد من نفس مستواك بس اهله وافقوا علي .. غريبه صح ..!
فهد وافق على بنت عمك وعيش حياتك بدوني والله يوفقنا ببعدنا ..
أحبك وتحبني لـ متى رضى اهلك اهم يافهد اهم ..

( اين عهدي من حبيبي اين ذاك الكلام ) ولاّ كلام بالهوى ينقال عشان تغرقيني بحبك لا أكثر ..
انخدعت فيك ماتوقعتك بهالسهوله قادره تتخلين عني وتلقين غيري بـ بساطه عشان تبدين
حياتك من جديد أو عشان تثبتين لي شي لغايه بنفسك ..!
صدمتيني فيك توقعتك أوفى من كذا بس للأسف .. ماكنتي قد الوعد ..

( اتراه قد نساني ورماني للهيام ) ياااااه للحين اسأل نفسي ..! صحيح اني غبي =’)

مييشو ..

مشاعل .. ميشو .. تيمون <~ كل الطرق تؤدي الى شروره =p
صديقتي واختي .. شاركتني جزء من طفولتي وجزء من مراهقتي
أعشق قوة شخصيتها .. حكمتها .. جدها وقت الجد ومزحها وقت المزح
كنت لما اسوي شي غلط استحي اقولها .. ليه !.. لأنها بتهزئني =
ايه تهزئني .. كان خوفي منها كثر خوفي من امي :s
يمكن هذا الشي اللي ماخلاني اقول لها عن اشياء كثيره سويتها كانت غلط
قرييبة مني لدرجة تحس فيني من نبرة صوتي ..
يمكن هي الوحيدة اللي مهما قطعتها أرجع معها كني امس مكلمتها ..
علاقتي فيها بدت من ثاني متوسط .. كنا مهبل نتهاوش على ستار اكاديمي
لازم كل فسحه انا وهي بـ نقاش حاااد جدا لدرجه ان صديقاتنا الباقيات كرهوا القعده معانا :s
وكل مااذكر هواشنا اضحك .. ياسخفنا هههههه .. أنا اشجع اماني وهي تشجع أبو الهش
ونتهاوش من قلب اللي يقول اماني ولا هشوم مفتكرين فيننا o_O
انا : اماني صوته حلو وهشوم يستخف دمه :@ْ
وهي : لا اماني ثقيلة طينة وهشوم يجنن خفيف دم D=
وعلى هالحال طول الوقت .. < بزران كنا لحد يشره p=
بقينا مع بعض أول وثاني ثانوي .. صح ماكنا بفصل واحد بس ننتظر الفسحه عشان نتقابل <3
على نهاية ثاني قالت لي ( أمون انا يمكن أكمل ثالث بالجنوب عشان النسبه وبدخل الجامعه هناك )
هنا انا انهبلت .. يعني اقرب صديقاتي بتروح ..! وشلون بكمل ثالث بدونها ؟..
على ان انا كنت أدبي وهي علمي .. بس ولو وجودها معاي بمدرسه وحده غير ..
انتهى ثاني ورحنا نستلم شهاداتنا .. العاده مااحب اطول اخذ شهادتي واطلع
بس يمكن هذي اخر مره اشوفها فيها .. قعدنا سوا ساعه وشي كذا
ثلاث أرباع اللقا كان دموع .. كان وعود ان محد ياخذ غلاها بقلبي ولا احد ياخذ غلاي بقلبها
وعدتها اني ماانساها .. ووعدتني انها مابتنقطع عني
واني اذا تزوجت بتحظر زواجي وبخلي شهر العسل بشرورة
ومن نهايه ثاني لليوم ماشفتها .. بيني وبينها مكالمات ومسجات ..
مع هذا للحين تحس فيني اذا تضايقت أو فرحت قبل اتكلم ..
مع هذا للحين اتهزأ لو سويت شي غلط واعترفت لها فيه ..

( مشاعل مشتاقه لشوفتك كثيير .. صوتك ومسجاتك ماتكفيني أبد .. مشاعل رجعي الشرقيه .. عندنا بيبسي أحلى من حقكم ترى :p
مشاعل الله لا يحرمني منك ومن طيبة قلبك .. و يارب نستمر مع بعض حتى لو كنا بعاد عن بعض )