الثلاثاء، 21 سبتمبر 2010

يَ أغلى ما خلق ربي لـ قلبي

نوديتي ..
بنو ..
لين ..
جود ..
نجود ..
مهاوي ..

ما بـرتّب اللي بـقلبي لكم ..

كل عام و انتوا أقرب لي من الدنيا كلها ..
كل عام و انتوا غامريني بمحبتكم ..
كل عام و انتوا اغلى من عرفت ..

دخلت العشرين و انتوا جنبي .. إيش أحلى من كذا ؟؟

نوديتي .. يا أقرب خلق الله لقلبي ,,
يا أطيب قلب ,, أحبك و أموت فيك ,, صوتك ينسيني كل همـ ..
يا ليتني عرفتك من زمان كان ما ضيعت عمري مع اللي اعتبرتهم صديقات =\
عمري عمري ما أنسى وقفاتك معاي ,, عمري ما أنسى تحملك لمزاجيتي
مدري شقول .. بس أغلييك كثر ما تغليني و يمكن أكثر ..
الله لا يحرمني منك .. خجلتيني .. شكراً من قلبي ..


بننو ..توأمي.. شبهي بالطبع و المواهب الفتاكة :q
مع إني ما أتحمل شخص بنفس طبعي.. بس إنتي غييير ..
بسبتك حبيت أشياء ما كنت مقتنعة فيها ..
على إن ما كملنا سنة مع بعض أحس إني أعرفك من عمر ..
شكراً على كل شي حلو قدمتيه لي.. ممنونة لخفوق
إللي عرفني عليك.. شكراً من قلبي..


لييين.. مدري شقول .. بس أحبك .. وفاقدتك بشكل خياااااالي ..
رجعي أبي أتطيبع :( .. أبي تلعبيني لعبتك ذيك :(
وحشتيني.. شكراً من قلبي ..


جوود .. أحبك أقوى شي .. و شكراً أقوى شي ..
يا رب ما انحرم منك و من ضحكتك الغبية اللي أحبها ..
أحلى شي إنك حققتي أمنية البنات بعشريني ..


نجود .. حبيبة ئلبي من جوا .. تعرفين شقد أحبك ..
الله يخليك لي إنتي و هنو .. شكراً من قلبي ..



مهاوي.. حبي.. خبلتي..اختي الصغيرة ..
أحلى شي صار هو كوفييك و كوكيزييك المجانين ع قولتك..
اممم بقولك شي : ترى ما عمري صادقت أصغر مني إلا إنتي البزرة الوحيدة
إللي أحسها كبري هههههه.. الله لا يخليني منك.. شكراً من قلبي ..



ان شالله كلكم تحتفلون بثلاثيني و اربعيني و خمسيني و ستيني و سبعيني ..
أحبكمـ يا رب تكفيكم هالكلمة :*

<~ للي يحبون ينكدون :q .. البنات طالبيني بـ هالشي :) .. و يستاهلون أكثر :*

- ( يومي كان بـ 18 \ 9 ) .

ليست هناك تعليقات:

إرسال تعليق